હળવદ પોલીસે પેટ્રોલિંગ દરમિયાન હળવદ ટીકર રોડ પરથી બાઈક ચોરીના ગુનામાં સંડોવાયેલ આરોપીને ઝડપી પાડ્યો છે ત્યારે તેના વિરુદ્ધ ગુનો નોંધી કાયદેસરની કાર્યવાહી શરૂ કરવામાં આવી છે
ત્યારે આ અંગે મળતી માહિતી મુજબ હળવદ પોલીસ સ્ટેશનનો સ્ટાફ વિસ્તારમાં પેટ્રોલિંગમાં હતા તે દરમ્યાન હળવદ ટીકર રોડ ખાતે એક શંકાસ્પદ બજાજ કંપનીનું પ્લેટીના મોટર સાયકલ ચાલક નીકળતા તેને રોકાવી મોટરસાયકલને જોતા આગળ નંબર પ્લેટ સાદી હોય જેમાં GJ-03- BL-2649 લખેલ હોય અને પાછળ નંબર પ્લેટ ન હોય જેથી ઈસમનુ નામ ઠામ પુછતા પોતે પોતાનુ નામ રણછોડ ઉર્ફે હકો ઉર્ફે જીવો વિઠ્ઠલભાઈ સુરેલા રહે. જોગડ ગામ, તા.હળવદ જી.મોરબી વાળો હોવાનુ જણાવેલ ત્યારબાદ આરોપી મોટરસાયકલ ચાલકને કાગળો બાબતે તેમજ મોટર સાયકલ બાબતે પુછપરછ કરતા સંતોષકારક જવાબો આપતો ન હોય જેથી મોટરસાયકલના રજીસ્ટ્રેશન નંબર GJ-03-BL-2649 ઈ-ગુજકોપ પોકેટકોપ મોબાઈલમાં નાખી માલીક અંગે સર્ચ કરતા મો.સા ના માલીક ઇમત્યાઝ અબાસભાઇ શેખ રહે. પોપટપરા માઉન્ટેન પોલીસ લાઈન રાજકોટ વાળા હોવાનું લખાઈ આવેલ હોય જેથી ઇસમને વધુ પુછપરછ કરતા ઈસમે અજીતગઢ ગામેથી ચોરી કરેલ હોવાનું જણાવેલ હોય તેમજ વધુ પુછપરછ કરતા બીજુ મો.સા. હળવદ ભવાની મેડીકલ પાસેથી ચોરી કરેલ હોવાની કબુલાત કરતા બંને મોટરસાયકલ રીકવર કરી આરોપી રણછોડ ઉર્ફે હકો ઉર્ફે જીવો વિઠ્ઠલભાઈ સુરેલા રહે. જોગડ ગામ, તા. હળવદવાળાને ઝડપી પાડી ધોરણસર કાર્યવાહી કરવામા આવેલ છે.
