મોરબીના યમુનાનગરમાં ચાલતાં બાંધકામ સાઇટ પરથી સિમેન્ટની 40 થેલીની ચોરી

April 23, 2021

મોરબીના નવલખી રોડ પર આવેલી યમુનાનગર શેરી નજીક ચાલતા બાંધકામ સાઈટ પરથી સિમેન્ટની થેલીની અજાણ્યો ઇસમ ચોરી કરી ગયા હોવાની મોરબી સીટી બી ડિવિઝન પોલીસ મથકે ફરિયાદ નોંધાઇ છે.

મળતી માહિતી મુજબ મોરબીના રવાપર રોડ સ્વાગત વાડી સામે સત્યમ એપાર્ટમેન્ટમાં રહેતા મનસુખભાઈ ખોડાભાઈ કામરીયાના નવલખી રોડ યમુના નગર શેરી નં.4માં કબ્જા ભોગવટાવાળી બાંધકામની સાઇટની બાજુમાં સાર્વજનિક પ્લોટ ઉપર રાખેલ સિમેન્ટની 40 થેલી (કિં.રૂ.12000)ની અજાણ્યા ચોર ઈસમ ચોરી કરી લઈ ગયા એ મોરબી સીટી બી ડિવિઝન પોલીસ સ્ટેશનમાં ફરિયાદ નોંધાવી છે. ફરિયાદ નોંધી વધુ તપાસ આર.બી.ટાપરિયા ચલાવી રહ્યા છે.