મોરબી: રાજસ્થાન રાજયના ઝાલાવાડ જિલ્લાના ભવાનીમંડી પોલીસ સ્ટેશનનો આરોપી તથા ભોગ બનનાર મોરબી તરફ આવેલ હોય જેથી આરોપી તથા ભોગબનનારની તપાસમાં ભવાનીમંડી પોલીસ સ્ટેશનની ટીમ મોરબી આવતા એન્ટી હ્યુમન ટ્રાફીકીંગ યુનીટ મોરબીના પોલીસ હેડ કોન્સ્ટેબલ દશરથસિંહ ચાવડા, તથા પોલીસ કોન્સ્ટેબલ નંદલાલ વરમોરાનાઓ તેઓની સાથે મદદમાં રહી આરોપી સુરેશભાઇ સઓ પ્રકાશચંદ્ર મેઘવાલ (ઉ.વ. ૨૧ રહે. સીરપોઇ થાના સુનેલ જી.ઝાલાવાડ)ની તપાસ કરતા સરતાનપર રોડ, મોટો સીરામીક કારખાનાની બાજુમાં આવેલ મજુરની ઓરડી ખાતેથી ગુન્હામાં સંડોવાયેલ આરોપી તથા ભોગ બનનારને મળી આવતા બંનેને હસ્તગત કરી આગળની કાર્યવાહી અર્થે ભવાનીમંડી પોલીસ સ્ટેશનની ટીમને સોંપી આપેલ છે.
તેમજ મધ્ય પ્રદેશ રાજયના અલીરાજપુર જિલ્લાના ચાંદપુર પોલીસ સ્ટેશનનો આરોપી તથા ભોગ બનનાર મોરબી તરફ આવેલ હોય જેથી આરોપી તથા ભોગ બનનારની તપાસમાં ચાંદપુર પોલીસ સ્ટેશનની ટીમ મોરબી આવતા તેઓની સાથે મદદમાં રહી આરોપી દિલીપ સાઓ ખુમસીંહ લુહાર (ઉવ. ૨૦ રહે.માફીદાર ફળીયુ અગલગોટા તા.જી. અલીરાજપુર)ની તપાસ કરતા ખાનપર ગામે વાડી વિસ્તારમાંથી ગુન્હામાં સંડોવાયેલ આરોપી તથા ભોગબનનારને મળી આવતા બંનેને હસ્તગત કરી આગળની કાર્યવાહી અર્થે ચાંદપુર પોલીસ સ્ટેશનની ટીમને સોંપી આપેલ છે.
આમ, રાજસ્થાન તથા મધ્ય પ્રદેશ રાજયમાંથી સગીરવયની બાળાના થયેલ અપહરણના ગુનાના આરોપીઓને પકડી પાડવામાં તેમજ ભોગબનનારને શોધી કાઢવામાં એન્ટી હ્યુમન ટ્રાફીકીંગ યુનીટ મોરબી ટીમને સફળતા મળેલ છે.
કામગીરી કરનાર અધિકારીઓ વી.બી જાડેજા પોલીસ ઇન્સ્પેક્ટર એલ.સી.બી મોરબી તથા એ.ડી.જાડેજા પોલીસ સબ ઇન્સ્પેક્ટર તથા એ એસ આઇ હીરાભાઇ ચાવડા, રજનીકાંતભાઇ કૈલા, સંજયભાઇ પટેલ તથા પોલીસ હેડ કોન્સ્ટેબલ દશરથસિંહ ચાવડા, પોલીસ કોન્સટેબલ નંદલાલ વરમોરા,અશોકસિંહ ચુડાસમા વિગેરેનાઓ દ્વારા કરેલ છે.
