મોરબી ખાતે સુપર સ્પેશિયાલિસ્ટ ડોક્ટર ફ્રી સર્વ રોગ નિદાન કેમ્પ યોજાયો
મોરબીમાં છેલ્લા 13 વર્ષથી સામાજિક, શૈક્ષણિક અને આરોગ્ય ક્ષેત્રે મોરબી ની જનતા માટે સેવાકીય પ્રવૃતિ કરતા વાત્સલ્ય એજ્યુકેશન એન્ડ ચેરીટેબલ ટ્રસ્ટ મોરબી નો 14 માં વર્ષમાં મંગલ પ્રવેશ થતા મોરબી ખાતે સુપર સ્પેશિયાલિસ્ટ ડોક્ટર ફ્રી સર્વ રોગ નિદાન કેમ્પ યોજાયો.
મોરબી સનાળા રોડ, સરદાર બાગ સામે આવેલ ઓમ શાંતિ વિદ્યાલય ખાતે વાત્સલ્ય એજ્યુકેશન એન્ડ ચેરીટેબલ ટ્રસ્ટ દ્વારા સુપર સ્પેશિયાલિસ્ટ ડોક્ટર ફ્રી સર્વ રોગ નિદાન કેમ્પ તારીખ ૧૩/૧૦/૨૦૨૪ને રવિવારના રોજ યોજાયો હતો જેમાં ૨૫૦ સૌથી વધુ દર્દીઓએ લાભ લીધો હતો. આ કેમ્પનું શુભારંભ મોરબી માળિયા ધારાસભ્ય કાંતિભાઈ અમૃતિયા, મોરબી જિલ્લા પંચાયત પ્રમુખ શ્રીમતી હંસાબેન પારઘી, પરમ પૂજ્ય સેવા મૂર્તિ જમનાદાસજી (હરિ હર અન્ન ક્ષેત્ર મોરબી), શ્રી ટી ડી પટેલ (પ્રમુખશ્રી જય સરદાર ચેરીટેબલ ટ્રસ્ટ), શ્રીમતી સરોજબેન ડાંગરોચા (આરોગ્ય ચેરમેન શ્રી જિલ્લા પંચાયત મોરબી), વાંકાનેર-ટંકારા નગરપાલિકા ચીફ ઓફિસર શ્રી ગિરીશભાઈ સરવૈયા, કન્યા છાત્રાલય પ્રમુખ બેચરભાઈ હોથી, ઉમિયા ધામના સંચાલક એ.કે.પટેલ સહિત ડોક્ટરો અને સામાજિક અગ્રણી ઉપસ્થિતિમાં દીપ પ્રાગટ્ય કરીને કરાયો હતો.
આ સર્વરોગ નિદાન કેમ્પમાં રાજકોટના નામાંકિત ડોક્ટર પ્રકાશ મોઢા (ન્યૂરો સ્પાઈન સર્જન), ડોક્ટર ત્રિશાંત ચોટાઈ (ન્યૂરો સ્પાઈન સર્જન), ડોક્ટર કૌશિક પટેલ (ટ્રોમા સર્જન), ડોક્ટર દિગ્વિજય સિંહ જાડેજા (બીપી ડાયાબિટીસ નિષ્ણાંત), ડોક્ટર કલ્પેશ બજાણીયા (ઓર્થોપેડિક એન્ડ સ્પાઇન સર્જન), ડોક્ટર કમલ ભટ્ટ (જનરલ સર્જન), ડોક્ટર વિપુલ પરમાર (નેફ્રોલોજીસ્ટ), ડોક્ટર યશ ટીલાલા (યુરોલોજીસ્ટ), ડોક્ટર મેહુલ ચૌહાણ (સ્પાઇન સર્જન), ડોક્ટર ઓમ દેવ સિંહ ગોહિલ (ચામડી રોગ નિષ્ણાંત), ડોક્ટર નિરવ વાછાણી (દાંત અને જડબાના સર્જન), ડોક્ટર હાર્દિક વેકરીયા (ક્રિટિકલ કેર નિષ્ણાંત), ડોક્ટર નીતાબેન ઠક્કર (વ્યંધત્વ નિષ્ણાંત), ડોક્ટર ઘનશ્યામ ગોરવાડિયા (સ્ત્રી રોગ નિષ્ણાંત), ડોક્ટર કરણ સરડવા (બાળ રોગ નિષ્ણાંત) અને ડોક્ટર પુલકિત બરસરા (કાન-નાક-ગાળા ના સર્જન) એ સેવા આપી હતી. તમામ દર્દીઓને વિના મૂલ્યે તપાસ કરી ફ્રી માં દવાઓ પણ આપવામાં આવેલ. ઉપરોક્ત તમામ ડોક્ટર નો આભાર મોમેન્ટો આપી ટ્રસ્ટના પ્રમુખ ડોક્ટર પરેશ પારીઆ એ ફેમિલી સાથે આભાર વ્યક્ત કરેલ.
