સીરામીક ફેક્ટરીમાં શેડ ઉપરથી પડી જતાં શ્રમીકનુ મોત

July 2, 2021

મોરબી : મોરબી તાલુકાના લખધીરપુર ગામે આવેલ ઝેક્ષ સીરામીક ફેક્ટરીમાં શેડ ઉપરથી અકસ્માતે શ્રમિક પડતા તેને સારવાર અર્થે ખસેડવામાં આવેલ જેનું સારવાર દરમિયાન મોત નિપજ્યું હોવોનો બનાવ સામે આવ્યો છે.

મળતી માહિતી મુજબ લખધીરપુર ગામમાં આવેલ ઝેક્ષ સીરામીકમા ગઈકાલ તા.૧ના રોજ આરીફભાઇ અલારખાભાઇ બ્લોચ (ઉ.વ.૨૩,રહે.હાલ રેલ્વે સ્ટેશન પાછળ, ખાડા વિસ્તાર આમદભાઇ ધાચીના મકાનમા, મોરબી,) શેડમાં કેચી પતરાનુ કામ કરતા હતા ત્યારે શેડ ઉપરથી અકસ્માતે પતરૂ તુટી નીચે પડતા માથાના ભાગે ગંભીર ઇજા પહોંચી હતી. તેથી, પ્રથમ મોરબીની ખાનગી હોસ્પીટલમાં પ્રાથમિક સારવાર લઇ વધુ સારવાર અર્થે રાજકોટની સિવિલ હોસ્પિટલ ખાતે રીફર કરાયા હતા જ્યાં ડોક્ટરે તેને તપાસી મૃત જાહેર કર્યા હતા. આ બનાવ અંગે મોરબી તાલુકા પોલીસ સ્ટેશનમાં નોંધ કરવામાં આવેલ છે.