જિલ્લામાં કોપરના વાયર ચોરતી ટોળકી સક્રિય બની છે ત્યારે વાંકાનેર તાલુકા પોલીસ મથક વિસ્તારમાં આવેલ એક ટેલ્સના કારખાનામાંથી કોપર વાયરની ચોરી કરતી ત્રિપુટીને પોલીસે ઝડપી પાડી છે
આ અંગે મળતી માહિતી મુજબ વાંકાનેર તાલુકામા આવેલ ઈટાલીનો ટાઈલ્સ એલએલપી, ગ્રીનસ્ટોન ગ્રેનાઈટો તથા સોલીજો વિટ્રીફાઈડ કંપનીમાં થયેલી કોપર વાયર તથા થર્મોકપલની ચોરીના બનાવનો વાંકાનેર તાલુકા પોલીસે ભેદ ઉકેલી નાખી આરોપી દિવ્યેશ ઝાલા (ઉં.વ. 26), મીત પરમાર (ઉં.વ. 19), મંતવ્ય મોરી (ઉં.વ. 22) તથા ભંગારના ડેલાવાળા બીબાલ રફીકભાઈ કચ્છી (ઉં.વ. 28)ને ઝડપી પાડવામાં આવ્યા છે.હાલમાં વાંકાનેર પોલીસે આરોપીઓ પાસેથી 5,40,000 રૂપિયાની કિંમતનો કોપર વાયર, 4,26,250ની કિંમતનો થર્મોકપલમાંથી કાઢેલ પ્લેટિનિયમ તાર, 40 હજારની કિંમતનું એક એક્ટિવા, 35 હજારની કિંમતના મોબાઈલ ફોન નંગ-4 તથા 2500 રૂપિયા રોકડા મળી કૂલ 10,43,750નો મુદ્દામાલ કબ્જે કરવામાં આવ્યો છે.
