(હળવદ:અહેવાલ સુરેશ સોનગરા)
હળવદ: શરણેશ્વર મહાદેવ મંદિરના સાનિધ્યમાં રોટરી સાથે સંકલિત વિવિધ કલબોના પ્રેસિડેન્ટ, સેક્રેટરી, અને બોર્ડ મેમ્બરોએ વર્ષ ૨૦૨૧/૨૨ માટે શપથ લીધા હતા અને પદગ્રહણ કર્યું હતું.
રોટરી ક્લબ ઓફ હળવદના પ્રેસિડેન્ટ તરીકે ગોપાલભાઈ ઠક્કર, સેક્રેટરી કાંતિભાઈ પટેલ, ઇનર વિલ ક્લબમાં જલ્પાબેન અઘારા, સેક્રેટરી રીટાબેન એરવાડિયા, રોટરેક્ટ ક્લબમાં પ્રેસિડેન્ટ ઉત્તમ પટેલ, સેક્રેટરી મિતેષ મુંજપરા,આર.સી.સી. સિનિયર સીટીઝન ક્લબમાં હસુભાઈ પટેલ, સેક્રેટરી મનજીભાઈ મેર, આર. સી.સી ટિકરમાં વિનોદભાઈ એરવાડિયા,સેક્રેટરી સંતોષભાઈ દેથરીયા, ઇન્ટરેક્ટ કલબમાં પ્રેસિડેન્ટ દેવાંગ રાવલ, સેક્રેટરી સૂર્યદીપ ઝાલા, અરલીએક્ટ ક્લબ ઓફ બ્રિલિયન્ટ સ્કૂલમાં યુવરાજ રાઠોડ, સેક્રેટરી ભાવિન મકવાણાની વરણી કરવામાં આવી હતી.
આ સમારોહમાં ભુજથી ખાસ ઉપસ્થિત પાસ્ટ આસિસ્ટન્ટ ગવર્નર ડિસ્ટ્રીક્ટ ૩૦૫૪ના જયેશભાઇ શેઠ દ્વારા દરેક કલબના હોદ્દેદારોને શપથ લેવડાવામાં આવ્યા હતા.
આ પ્રસંગે આસિસ્ટન્ટ ગવર્નર રાજીવભાઈ મહેતા તેમજ વઢવાણ, સુરેન્દ્રનગર, ધ્રાંગધ્રા, વઢવાણ મેટ્રો મોરબી કલબના હોદેદારો અને રોટરીયનો તેમજ આમંત્રિત મહેમાનો હાજર રહ્યા હતા.
