મોરબીના વેજીટેબલ રોડ લાભનગર ની બાજુમાંથી વિદેશી દારૂનો મોટો જથ્થો ઝડપાયો

June 20, 2024

મોરબીના વેજીટેબલ રોડ પર લાભનગરની બાજુમા મંદીરની સામે બાવળની જાળીમાં છુપાવેલ વિદેશી દારૂના જથ્થા સાથે બે ઈસમોને મોરબી સીટી બી ડીવીઝન પોલીસે ઝડપી પાડયા છે.

મોરબી સીટી બી ડીવીઝન પોલીસને ખાનગી રાહે બાતમી મળેલ કે મોરબી-૨ વેજીટેબલ રોડ, લાભનગરની બાજુમા, મંદીરની સામે બાવળની જાળીમા આરોપીઓએ વેચાણ કરવાના ઈરાદાથી રાખેલ વિદેશી દારૂની અલગ અલગ બ્રાંડની નાની મોટી કુલ બોટલ નંગ-૪૫ કિ.રૂ. ૩૦,૬૦૦/- તથા ૧૮૦ મી.લી. ની કાચની કંપની શીલબંધ બોટલ નંગ-૩૭ કિ.રૂ. ૩૭૦૦/- એમ કુલ કિ.રૂ. ૩૪,૩૦૦/- ના મુદામાલ સાથે આરોપી વિજયભાઇ ગોરધનભાઇ દેગામા ઉ.વ.૩૧ રહે-લાભનગરની બાજુમાં વાડી વિસ્તાર મોરબી-ર તથા જયેશભાઇ જયંતીભાઇ માકાસણા ઉ.ર૪ રહે-ધરમપુર, નિશાળ પાછળ તા.જી.મોરબીવાળાને રેઇડ દરમ્યાન ઇગ્લીશ દારૂના જથ્થા સાથે પકડી પાડી આરોપી વિરૂધ્ધ કાયદેશરની કાર્યવાહી કરેલ છે.