નવા બસ સ્ટેશન સામે બાઈક ચાલકે હડફેટે લેતા મહીલા ઈજાગ્રસ્ત, ફરીયાદ નોંધાઈ

August 9, 2021

મોરબી નવા બસ સ્ટેશન સામે મોટરસાયકલ ચાલકે મહીલાનેં હડફેટે લેતાં ઇજાગ્રસ્ત થતાં ભોગબનનારના પતીએ મોરબી સીટી એ ડિવિઝન પોલીસ મથકે બાઈક ચાલક વિરુદ્ધ ફરીયાદ નોંધાવી છે.

મળતી માહિતી મુજબ મોરબીના રોહીદાસપરા કબીર આશ્રમ પાસે રહેતા ડાયાભાઇ આનંદભાઈ કાટીયાએ મોટરસાયકલ નં- GJ-36-J-5334 નાં ચાલક વિરુદ્ધ મોરબી સીટી એ ડીવીઝન પોલીસ મથકે ફરીયાદ નોંધાવી છે કે ગત તા ૦૭-૦૮-૨૦૨૧ નાં રોજ
આરોપી પોતાનું મોટરસાયકલ રજી. નં- GJ-36-J-5334 વાળુ બેફિકરાઈથી ચલાવી ફરીયાદીનાં પત્ની નયનાબેનનેં પાડી દઈ જમણા પગે ફ્રેકચર જેવી તેમજ શરીરે મુંઢ ઈજા કરી નાશી છુટયો હતો. આ બનાવ અંગે મોરબી સીટી એ ડિવિઝન પોલીસ સ્ટેશનમાં ફરીયાદ નોંધાવતા પોલીસે આરોપીને ઝડપી પાડવા ચક્રો ગતિમાન કર્યા છે.