મોરબી: વીજપોલ સાથે અથડાવી નુકશાન કરવા બદલ કન્ટેનર ચાલક સામે ફરીયાદ

July 14, 2021

મોરબી:મોરબીના લીલાપર-જોધપર (નદી) ગામ તરફ જવાના રસ્તે વિજપોલ સાથે કન્ટેનર અથડાયું હતું. આથી, વીજ ટ્રાન્સફોર્મરમાં નુકશાન થયું હતું. આ બનાવમાં કન્ટેનર ચાલક વિરૂદ્ધ મોરબી તાલુકા પોલીસ મથકે ફરિયાદ નોંધાઈ છે.

મળતી માહિતી મુજબ મોરબી લખધીર વાસ શેરી નં-૧મા રહેતા નાયબ ઇજનેર મેહુલકુમાર નુતનકુમાર પઢીયારએ આરોપી ટેલર નંબર-GJ-૧૨-BW- 7438 વાળાના ચાલક સામે ફરિયાદ નોંધાવી હતી કે, ગત તા.૧૦ જુલાઈના રોજ લીલાપર-જોધપર (નદી) ગામ તરફ જવાના રસ્તે રાધે સ્યામ પેપર મીલના લેબર ક્વાટરના વરડાની બાજુમાં ટેલર નંબર-GJ-12-BW-7438 ના ચાલકે ફુલ સ્પીડ તેમજ બેદરકારીથી ચલાવી ઇલેકટ્રીક પોલના ડી.પી. સ્ટકચરની ગેંગ સ્વીચ સાથે કન્ટેનર ભટકાડી ઇલેકટ્રીક પોલ તથા વીજ વાયરમાં નુકશાન કર્યું હતું. આ બનાવની ફરિયાદ પરથી મોરબી તાલુકા પોલીસે વધુ તપાસ હાથ ધરી છે.