મોરબીના બેલા નજીક સ્વીફ્ટ કારમાં વિદેશી દારૂની ૬૦ બોટલ સાથે બે શખ્સો ઝડપાયા
મોરબીના બેલા ગામ નજીક પંચશીલ કોમ્પલેક્ષની સામે પીપળી જેતપર હાઇવે રોડ ઉપરથી સ્વીફ્ટ કાર રજી.નં. જીજે-૦૩-એમઈ-૩૮૧૩ માં વેચાણ કરવાના ઇરાદે વિદેશી દારૂની ૬૦ બોટલ લઈને નીકળેલા રાજેશભાઇ મમુભાઇ અખીયાણી ઉવ.૩૦ રહે.લાલપર સીરામીક સીટી અવધ સીટી ફ્લેટ નં-૨૦૧ મોરબી-૦૨ મુળગામ-હમીરપર ગામ તા-રાપર જી-કચ્છ, રાજેશભાઇ દલસુખભાઇ અઘારા ઉવ-૨૯ રહે-મોરબી-૨ ધર્મમંગલ સોસાયટી ધર્મેન્દ્રભાઇ પટેલના મકાનમાં ભાડેથી મહેન્દ્રનગર ગામ મુળગામ-આંસલપુર ગામ જી.રાજકોટને મોરબી તાલુકા પોલીસ દ્વારા ઝડપી લેવામાં આવ્યા હતા. આ સાથે આરોપીઓ પાસેથી વિદેશી દારૂનો જથ્થો ૨૦,૪૦૦/-તથા સ્વીફ્ટ કાર જેની કિ.રૂ. ૩લાખ એ. કુલ ૩,૨૦,૪૦૦/-નો મુદ્દામાલ જપ્ત કરી પકડાયેલ બંને આરોપીઓ સામે પ્રોહી. એક્ટ હેઠળ ગુનો નોંધી કાયદેસરની કાર્યવાહી કરવામાં આવી છે.
