મોરબીના નાની વાવડી ગામે જુગાર રમતા છ ઇસમો પકડાયા

September 7, 2021

મોરબી તાલુકા પોલીસ હેડ કોન્સ્ટેબલ યોગીરાજસિંહ જાડેજા તથા પો.કોન્સ. પંકજભા ગુઢડા નાઓને મળેલ ખાનગી બાતમીના આધારે પો.સ.ઇ. વી.જી.જેઠવા દ્વારા જુગાર અંગે રેઇડ કરવા સુચના કરતા.

મોરબી તાલુકાના નાની વાવડી ગામે, ગુરૂકૃપા સોસાયટીમાં આરોપી રણછોડભાઇ ગંગારામભાઇ પનારા પોતાના કબ્જા ભોગવટાવાળા રહેણાંક મકાનમાં જુગાર રમતા ઇસમો પર રેઇડ કરતા રણછોડભાઇ ગંગારામભાઇ પનારા, નિલેશભાઇ ભુપતભાઇ ગૌસ્વામી, પરબતભાઇ, ધનજીભાઇ પડસુંબીયા, શાંતિલાલ ઉર્ફે ભીખાલાલ હરજીભાઇ ગોધાણી, શાંતિલાલ હરજીવનભાઇ હાજીપરા (રહે બધાં નાની વાવડી, ગુરૂકૃપા સોસાયટી, તા.જી.મોરબી) તથા જીજ્ઞેશભાઇ પોપટભાઇ સતાપરા (રહે.મોરબી, પંચાસર રોડ, નિત્યાનંદ સોસાયટી, તા.જી.મોરબી) છ ઇસમોને કુલ રૂ. ૩.૪૮,૦૧૦/- ના મુદ્દામાલ સાથે પકડી પાડી જુગારધારા કલમ-૪, ૫ મુજબનો ગુન્હો રજી. કરી કાયદેસર કાર્યવાહી કરવામાં આવેલ છે.