મોરબીના નવા જીવાપર ગામે પરિણીતાએ ઝેરી દવા ગટગટાવી

May 20, 2021

મોરબીના નવા જીવાપર ગામે ૨૮ વર્ષિય પરિણીત મહિલાએ ઝેરી દવા પી લેતા સારવાર અર્થે મોરબીની ખાનગી હોસ્પિટલ ખસેડવામાં આવી છે. આ બનાવ અંગે મોરબી તાલુકા પોલીસ મથકે નોંધ કરવામાં આવી છે.

મળતી માહિતી મુજબ મોરબીના નવા જીવાપર ગામના રહેવાસી કંચનબેન ધનસુખભાઈ કણઝારીયા (ઉ.વ.૨૮) વાળી પરિણીતા પોતાના ઘરે ઝેરી દવા પી લીધી હતી. જેથી સારવાર અર્થે મોરબીની ખાનગી હોસ્પિટલ ખસેડવામાં આવી છે. જે મહિલા હાલ ભાનમાં છે. પોલીસ સુત્રો પાસેથી મળતી વિગતો મુજબ પરિણીત મહિલાનો લગ્નગાળો ૭ વર્ષનો હોવાનું જાણવા મળ્યું છે. આ બનાવ અંગે મોરબી તાલુકા પોલીસે નોંધ કરી વધુ તપાસ હાથ ધરી છે.