મોરબી: મોરબીના લાતી પ્લોટમાં ઘડિયાળના કારખાનામાં તસ્કરો ત્રાટકયા હતા. જેમાં ક્લોક મુમેન્ટનાં કાર્ટુનના નંગ જેની કિં રૂ. ૪૬,૦૦૦ના મુદ્દામાલની ચોરી કરી અજાણ્યો શખ્સ નાશી ગયેલ. આ બનાવ અંગે મોરબી સીટી એ ડીવીઝન પોલીસ મથકે ફરીયાદ નોંધાવતા પોલીસે આરોપીને ઝડપી પાડવા ચક્રો ગતિમાન કર્યા.
મળતી માહિતી મુજબ મોરબીના શક્તિપ્લોટ શેરી-૮માં ડાર્વિન એપાર્ટમેન્ટમાં રહેતા અશોકભાઈ છગનભાઈ મહેતાએ ફરિયાદ નોંધાવી છે કે મોરબીના લાતીપ્લોટ શેરી-૩ માં ફેના કલોક કારખાનામાં ગત તા.૨૦ ના રાત્રે ૯ વાગ્યા થી તા.૨૧ નાં સવારે ૧૧ વાગ્યા દરમ્યાન કોઈ સમયે અજાણ્યા ઇસમે કારખાનમાં પ્રવેશ કરી કારખાનામાંથી ચાવી મેળવી પહેલા માળે રાખેલ કલોક(ધડીયાળ)ના મુમેન્ટના કાર્ટુન નંગ-૧૬ જેમાં ધડીયાળ મુમેન્ટ નંગ-૮૦૦૦/- કિં.રૂ.૪૬૦૦૦ ના મુદામાલની ચોરી કરી લઇ ગયો હતો. આ બનાવ અંગે મોરબી એ ડીવીઝન પોલીસે ચોરીનાં બનાવની ફરિયાદ નોંધી ચોરને ઝડપી પાડવા ચક્રો ગતિમાન કર્યા.
